Өмнөговь аймгийн Ханбогд сум дахь Сум дундын шүүхийн харъяа сумдын иргэд, шүүхийн иргэдийн төлөөлөгчөөр сонгогдсон иргэдэд мэдээлэл өгөх сургалтын хөтөлбөрийн дагуу Ханбогд сумын Засаг даргын “Иргэний танхим”-д 2019 оны 03 дугаар сарын 06-ны өдөр зохион байгууллаа.
Тус сургалтыг Өмнөговь аймгийн Ханбогд сумаас шүүхийн иргэдийн төлөөлөгчөөр сонгогдсон иргэдийг хамруулан “Шүүхийн иргэдийн төлөөлөгчийн эрх зүйн байдлын тухай хууль”-ийн хүрээнд мэдээлэл, сургалтыг шүүх хуралдааны нарийн бичгийн дарга Б.Оюунтунгалаг, Х.Ууганбат нар зохион байгуулж, шүүгч Ц.Урангуа, шүүгч С.Өлзий-Отгон, шүүхийн тамгын газрын дарга Н.Баяржаргал нар иргэдийн сонирхсон асуултад тайлбар өгч ажиллаа.
